Ҳикояни энг асосийсидан – яъни фирма эгаси бўлган сиздан бошламоқчиман. Қизиғи шундаки, ўз корхонасининг кундалик муаммолари оқимига шўнғиб кетиб, кўпчилик аслида бу ишни нима сабабдан бошлганликларини ва нимага бизнес қураётганликларини ҳам унутиб қўйишади.
Бир эслаб кўринга, уни нимадан бошлагансиз? Нималарга эришишни истаган эдингиз? Шубҳасиз бу юқори даромад, эркинлик, саёҳатлар қилиш ва оилангиз билан кўроқ вақт ўтказиш, ўз хоббингиз билан шуғулланиш ва бошқалар ҳақидаги фикрлар бўлган. Ушбу ҳаёт тарзини сиз ўша пайтда бошлаган бизнес таъминлаб бериши керак эди.
95 % бизнесменларнинг (айниқса кичик бизнесда) 5 йилдан кейинги аҳволини қарайдиган бўлсангиз, умуман бошқача ҳолатга гувоқ бўласиз. Одатда бизнес эгаси ҳудди ғилдирак ичидаги сичқондек кунига 10-12 соат тинмасдан, ҳатто, дам олиш кунларисиз ва таътилларсиз айланиб ётганлигини кўрасиз. Бунинг устига саломатлик билан ва оилавий муаммолар ҳам қўшилади. Чунки жуда катта куч ва вақт ўз корхонасининг чўкиб кетмаслигини таъминлашга сарфланади ва шахсий мақсадлар бир чеккага суриб қўйилади.
Агар сиз бизнесмен бўлсангиз, ушбу ҳолат сизнинг ҳақиқий ҳолатингизга қанчалик ўхшашлиги ҳақида бир ўйлаб кўринг.
Кунига неча соат ишлайсиз?
Қанчалик тез-тез дам оласиз ва саёҳатларга чиқасиз?
Оилангиз билан қанча вақтингизни ўтказасиз?
Спорт ва ўз хоббингиз билан шуғулланишга вақтингиз борми?
Сиз ботқоқликда тимсоҳлар орасига тушиб қолсангиз, сизнинг вазифангиз шунчаки улардан ҳимояланиш эмас, балки ботқоқликни қуритиш эканлигини эсдан чиқариб қўйишингиз жуда осон бўлади.
Аслида кўпчилик бизнесменларни қизиқтирадиган энг муҳим савол: “Қачон мен бахтли яшай бошлайман – ҳамма нарса ўз-ўзидан, менинг энг кам қатнашишим билан содир бўлса ва бундан ҳамма хурсанд бўлса?”
Китобнинг биринчи қисмида айнан бизнес эгаси ҳақида гап боради. Шунингдек бу ерда жамиятда қабул қилинган стереотиплар ва қоидалар ҳамда уларнинг сизнинг мақсадингизга етишишингизда қандай халақит бериши – шароитни ўзгартириш учун нима қилиш кераклиги ҳақида гаплашамиз.
Fikr bildirish